ইমান ধুনীয়া মুকুতাৰ মালা গঁঠা শিল্পী গৰাকী

Posted নৱেম্বৰ 2, 2011 by morprithibi
Categories: Uncategorized

তাৰিকুদ্দিন আহমেদ, অসমীয়া সংগীত জগতৰ হেৰাই যাবলৈ ধৰা এটি নাম। হয়তো তাৰিকুদ্দিন আহমেদৰ নাম আমি এটি গীতৰ কাৰণেই কেতিয়াবা শুনিছো, ‘ইমান ধুনীয়া মুকুতাৰ মালা, ক’ত পালা তুমি দান…’। কিন্তু আমি এইগৰাকী ব্যক্তিৰ বিষয়ে কিমান জানো?

      তাৰিকুদ্দিন আহমেদৰ জন্ম হৈছিল ১৯২৩ চনৰ ৪ নৱেম্বৰ তাৰিখে নগাওঁ জিলাত। পিতৃৰ নাম আছিল ম: চৰিফুদ্দিন আহমেদ আৰু মাতৃৰ নাম আছিল জেবিনা খাটুন। সৰুতে পিতৃহাৰা হোৱা তাৰিকুদ্দিন আহমেদৰ সংগীতৰ ক্ষেত্ৰখনৰ লগত সম্পৰ্ক আছিল অতিকৈ মধুৰ। ভাৰতীয় শাস্ত্ৰীয় সংগীত জগতখনৰ  বিশিষ্ট সংগীতশিল্পী ওমকাৰ নাথ ঠাকুৰ, বড়ে গোলাম আলি খাঁ, ওস্তাদ ফায়াজ খাঁ আদিৰ সংগীতৰ প্ৰতি বাৰুকৈয়ে আকৰ্ষিত হৈছিল তাৰিকুদ্দিন আহমেদে। নগাওঁৰ সংগীত জগতখনত তেখেতৰ সহযোগী আছিল মলিন বৰা, দূৰ্গাপ্ৰসাদ ভূঁঞা, ইক্ৰামুল মজিদ (পাৰবীন চুলতানাৰ পিতৃ) ইত্যাদি। এইসকলৰ লগতে চলিছিল সংগীতৰ চৰ্চা। গীতৰ যোগেদি তাৰিকুদ্দিন আহমেদ শ্ৰোতাৰ মাজত প্ৰথম পৰিচিত হয়, কমলানন্দ ভট্টাচাৰ্য্যৰ গীত ‘মোৰে ফুলনিতে উৰহি পখিলী,ফুলতে পাখি লগাই…” গীতটিৰ যোগেদি। ১৯৪৮ চনত ক’লম্বিয়া কোম্পানীয়ে তেখেতৰ কণ্ঠত বাণীবদ্ধ কৰে এখন ৰেকৰ্ড (78RPM), য’ত বানীবদ্ধ হৈছিল তাৰিকুদ্দিন আহমেদৰ কালজয়ী গীত ‘ইমান ধুনীয়া মুকুতাৰ মালা, ক’ত পালা তুমি দান…’, যিটো গীত অসমৰ সৰ্বকালৰ শ্ৰেষ্ঠ গীতসমূহৰ ভিতৰতে ৰখা হয়। এই গীতটিৰ যোগেদিয়েই অসমৰ সংগীতপ্ৰেমী সকলৰ মাজত এক পৰিচিত নাম হৈ পৰে তাৰিকুদ্দিন আহমেদ। গীতটিৰ লেখক আছিল মলিন বৰা আৰু সুৰেৰে সজাইছিল দূৰ্গাপ্ৰসাদ ভূঁঞাই। ইয়াৰ পাছতে তেখেতে ১৯৫৪ চনত আকাশবাণী গুৱাহাটীৰ এগৰাকী নিয়মীয়া শিল্পী হিচাবে স্বীকৃতি লাভ কৰে। তাৰিকুদ্দিন আহমেদে ১৯৫৯ চনত মুক্তিপ্ৰাপ্ত ‘পুবেৰুণ’ কথাছবিৰ সংগীত পৰিচালনাৰ দায়িত্বও পালন কৰিছিল। ১৯৯০ চনৰ ২৯ আগষ্টত এইগৰাকী মহান সংগীত শিল্পীয়ে ইহলীলা সম্বৰণ কৰে।
Advertisements

Hello world!

Posted নৱেম্বৰ 2, 2011 by morprithibi
Categories: Uncategorized

Welcome to WordPress.com. After you read this, you should delete and write your own post, with a new title above. Or hit Add New on the left (of the admin dashboard) to start a fresh post.

Here are some suggestions for your first post.

  1. You can find new ideas for what to blog about by reading the Daily Post.
  2. Add PressThis to your browser. It creates a new blog post for you about any interesting  page you read on the web.
  3. Make some changes to this page, and then hit preview on the right. You can always preview any post or edit it before you share it to the world.